BergenHinduSabha

ஆடிச்செவ்வாய் / Aadichsevwai.

ஆடிச்செவ்வாய் / Aadichsevwai.

இத்தினம் அம்பாள் தரிசனத்திற்குச் சிறந்த நாளாகும். விவாகமாகாத கன்னிப் பெண்கள், இத்தினத்தில் விரதமிருந்து அம்பாள் தரிசனத்தில் ஈடுபடுவதன் மூலம் மாங்கலியப் பாக்கியம் கிடைக்கப் பெறுவர். செவ்வாய் தோஷமுள்ளவர்களும், ஏனையோரும் செவ்வாய்கிழமை விரதத்தை, ஆடிச்செவ்வாயன்று கோவிலில் சங்கற்பம் செய்து ஆரம்பிப்பது உத்தமமானது . ஒரு பொழுது  அன்னமோ, பால், பழமோ உண்டு , இவ்விரதத்தைக் கைக்கொள்ளலாம்.

 

மூலம் : இந்து மக்களுக்கு ஒரு கையேடு, அகில இலங்கை இந்து மாமன்ற பொன்விழா வெளியீடு 2006.

 

ஆடிப்பூரம் / Aadipuram.

ஆடிப்பூரம் / Aadipuram.

உலக மாதாவாகிய உமாதேவியார் ருதுவாகிய தினமான இத்தினம் அம்பாள் விரதத்திற்கும், தரிசனத்திற்கும் உகந்த நாளாகும். அம்பாளின் எட்டு வகைச் சித்திகளையும் பெற இந்நாள் வழிபாடு உன்னதமானது.

 

மூலம் : இந்து மக்களுக்கு ஒரு கையேடு, அகில இலங்கை இந்து மாமன்ற பொன்விழா வெளியீடு 2006.

 

ஆனி உத்தரம்

ஆனி உத்தரம்

நடராசப்பெருமானுக்கு நடைபெறும் விஷேட அபிஷேகங்களில் ஆனி உத்தரம் மிகச்சிறந்தது. நடராசப்பெருமானுக்கு வருடத்தில் ஆறு விஷேட அபிஷேகங்கள் நடைபெறுவதுண்டு. மானுடவருடம்(மனிதர்க்கு ஒன்று) தேவர்களுக்கு ஒரு நாள்.
ஆறு நேரங்களாவன :

 

                 அதிகாலை -   மார்கழி (திருஅனந்தல்)
                 காலைச்சந்தி -  மாசி
                 உச்சிக்காலம் -  சித்திரை
                 சாயூங்காலை(மாலை)- ஆனி
                 இரண்டாம்காலம்   -ஆவணி
                 அர்த்தசாமம்    -  புரட்டாதி


எனக்கொண்டு அந்த ஆறுமாதங்களிலாவது ஆறு அபிஷேகம் நடராசப்பெருமானுக்கு நடைபெறும்.தேவர்களுக்கு தினமும் ஆறுநேரஅபிஷேகம் நடைபெறுவதைத்தான் கோயில்களில் ஒரு வருடத்தில்ஆறு மாதங்களில் ஆறு அபிஷேகத்தை நடத்துகிறார்கள்.


ஆனிமாத உத்தரநட்சத்திரத்தில் நடைபெறும் அபிஷேகத்தை ”ஆனித்திருமஞ்சனம்”  என்று அழைப்பர். மார்கழித்திருவாதிரையிலும்;இ சித்திரைத்திருவோணத்திலும்இ ஆனிஉத்தரத்திலும் மாசிஇ ஆவணிஇ புரட்டாதி ஆகிய மாதங்களில் பூர்வபக்க சதுர்த்தசிகளிலும்-அதாவது அமாவாசைக்குப் பின்வரும்14ம் நாளிலும் அபிஷேகம் நடைபெறும். மார்கழித்திருவாதிரை, ஆனிஉத்தரம் ஆகிய காலங்களில் சிதம்பரத்தில் பத்து நாட்கள் மகோற்சவம் நடைபெறும். ஆனி உத்தரத்துக்கு முதல்நாள் இரதோற்சவம். சிவகாமிஅம்பாள் சமேத ஆனந்தநடராசர் சிற்சபையை விட்டுஎழுந்தருளித்தேரில் உலா வந்து பின் ஆயிரங்கால்மண்டபத்துக்கு எழுந்தருளுவார். இரவூவிஷேட அபிஷேகம் நடைபெறும். உதயத்தில் தரிசனமும் நடைபெற்ற பின்னர் நடராசப்பெருமான் சிற்சபைக்கு எழுந்தருளுவார். இதே போல மார்கழித்திருவாதிரைக்கு முதல் நாளும் தேர்உற்சவம் நடைபெற்றுப்பின்மறுநாள் அபிஷேகம் நடைபெற்று நடராசப்பெருமான் எழுந்தருளும் காட்சி நடைபெறும்.நடராசப்பெருமானின் தரிசனத்தால் விளையூம் ஆனந்தம் பற்றியதிருமந்திரம் பின்வருமாறு.


             ”புளிக்கண்டவர்க்குப் புனலுறுமாப்போற்     கனிக்குந் திருக்கூத்துக்கண்டவர்க்கு எல்லாந்
             துளிக்குந் கண்ணீருடன் சோரு நெஞ்சத்திருள்  ஒளிக்கும் ஆனந்த அமுது ஊறும் உள்ளத்தே” –திருமந்திரம்


இதன் பொருள் புளியைக்கண்டவர்க்கு வாயில் நீர் ஊறுவதுபோல  திருக்கூத்துக்கண்டவர்க்கு இதயம் கனியூம். கண்ணீர் துளிக்கும் உடல் சோரும்.
நெஞ்சத்தில் உள்ள இருள் - அஞ்ஞானம் ஒளிக்கும் உள்ளத்தில் ஆனந்த அமுது ஊறும்.

நன்றி
திரு திருமதி முருகானந்தன்
 

 

ஆவணிஞாயிறு / Aavani nayiru.

ஆவணிஞாயிறு / Aavani nayiru.

எல்லா மாதங்களிலும் ஞாயிறு வருகின்ற போதிலும் ஆவணி மாதத்தில் வரும் ஞாயிற்றுக்கிழமை சூரிய விரதத்திற்கும் வழிபாட்டிற்கும் சிறந்ததாகும். இம்மாதத்தில்  சூரிய பகவான் சிங்கராசியில் பிரவேசிப்பதால் ஞாயிற்றுக்கிழமை முக்கியத்துவம் பெறுகின்றது.


மூலம் : இந்து மக்களுக்கு ஒரு கையேடு, அகில இலங்கை இந்து மாமன்ற பொன்விழா வெளியீடு 2006.

 

ஆவணி மூலம்

ஆவணி மூலம்.

 மாணிக்கவாசக சுவாமிகளுக்காக சுந்தரேஷ்வரப் பெருமான் மதுரை மாநகருக்கு எழுந்தருளி அருள் பாலித்த தினம் இதுவாகும். அதாவது, மாணிக்கவாசக சுவாமிகளைப் பாண்டிய மன்னன்,அவர் தமது கடமையில் இருந்தும், மன்னனின் கட்டளையில்  இருந்தும் மீறியதற்காக, சிறையில் இட்டும், நெற்றியில் கல்லை வைத்து சூரியனை நோக்க வைத்தும் தண்டித்தார். சுவாமியவர்களை விடுவிப்பதற்காகச் சிவபெருமான் காட்டிலுள்ள நரிகளைப் பரிகளாக்கிக் கொண்டுவந்து அவரைச் சிறையினின்றும் மீட்டது ஆவணி மாத மூல நட்சத்திரத் தினமாகும்.

 

இக்காலத்தில், வைகை நதி பெருக்கெடுத்தது. வைகை ஆற்றின் கரைகளை சீர்ப்படுத்தவும், பலப்படுத்தவும், மதுரை மக்களுக்கு பாண்டிய மன்னனால் கட்டளை இடப்பட்டது. பாண்டிய மன்னனின் கட்டளைப்படி கடமைகள் பகிர்தளிக்கப்பட்டன.

 

செம்மனைச்செல்வி(வந்தி) என்ற, பிட்டு விற்கும் ஏழை, மூதாட்டி, வைகை ஆற்றின் கரையின் ஒரு சிறு பகுதியைப் பலப்படுத்தும் கடப்பாட்டுக்கு நிர்ப்பந்திக்கப்பட்டார். முதுமை காரணமாக, அவரால், தனது பகுதி வேலையை செய்யமுடியவில்லை.  ஏழை மூதாட்டியார் மற்ரவர்  உதவியை நாடினார். கூலியாள் வடிவில் வந்த, சிவபெருமான் உதிர்த்த பிட்டை ஊதியமாக ஏற்று, மூதாட்டியின் வேலையை செய்ய உடன்பட்டார். ஊதியத்தை உண்டபின், தனது வேலையைச்  செய்ய என , மூதாட்டியிடம் விடைபெற்று அற்ரங்கரைக்குச் சென்றார்.

 

கூலியாள் தனது வேலையைச் செவ்வனே செய்யாது, அற்ரங் கரையில் படுத்துறங்கினார். இதை அவதானித்த மேற்பார்வை அதிகாரிகள், கூலியாளை எழுப்பி அவர் வேலையைச் திருந்தச்  செய்யப் பணித்தனர். அது பலனளிக்காத்து போகவே  கூலியாளுக்கு தண்டனை வழங்கிநர். அத் தண்டனை ஒரு சவுக்கடியாக அமைந்தது. சிவனுக்குக் கிடைத்த சவுக்கடியை உலக உயிரினங்கள் எல்லாம் உணர்ந்தன, பாண்டிய மன்னனும் உணர்ந்தான், தனது பிழையையும் உணர்ந்தனன் என சமய நூற்கள் கூறுகின்றன.



இதன் காரணமாக இத்தினம் பிட்டுக்கு மண் சுமந்த விழாவாகக் கொண்டாடப்படுகிறது.

 

மூலம் : இந்து மக்களுக்கு ஒரு கையேடு, அகில இலங்கை இந்து மாமன்ற பொன்விழா வெளியீடு 2006.